第六十五集
無在場的台灣史

咱定聽序大人講：「囡仔人有耳無喙」聽就好，毋通講出去，較袂惹代誌，特別是講著二二八、白色恐怖等等的歷史。短短一句話，就共對政治的驚惶佮禁忌，一代一代傳。

但是台灣的民主欲繼續深化，著面對遮的創傷，這幾年，台灣有愈來愈濟藝術團體，希望透過戲劇的故事，聊聊仔共逐家無了解的台灣史，講予逐家知。

海島演劇佮Ló-lí-á劇團，怹用表演講台灣人權的故事，用故事的柔軟，欲療治台灣往過對政治、對歷史有耳無喙的驚惶。