第六十二集
望見台灣四十分之一的燦爛

佇民國78年，當時台灣經濟起飛，國內真濟公共建設需要基層勞工，所以用「專案」方式，引進頭一批移工。30年後的今仔日，來到台灣趁錢想欲圓夢的東南亞移工已經超過70萬人，遮的離鄉背井的北漂者，身在異鄉的困境敢有人看著？

一陣長期關心移工問題的少年人，佇五年前成立移工教育組織「One-Forty」，透過理財、創業佮教育，期待會當共移工一再予人逼愛遷徙的人生改變。

全台灣第一間的東南亞冊店「望見書間」，用「移民工的友善客廳」概念，以藝文交流來協助移工融入台灣生活。

閣有長期倡議移民工權益的媒體人翁某，兩人夢想將台灣社會對移工的偏見佮怹身軀頂的標籤轉拆掉，建立友善的對話平台。除了有熱情的少年人誠積極，移工嘛自發性的投入公益活動，干焦希望怹的努力通予這塊土地看著。