第六十一集
小林大圓滿

你敢猶閣會記得2009年小林村滅村的事件無？

十一冬前的莫拉克風颱，創下破紀錄的降雨量，真濟所在對8月初八到8月初九，兩工的雨量強欲超過一冬份，特別是高雄縣甲仙鄉小林村的災情上嚴重，總共有400偌人活埋。

當目屎、悲傷佮各種安置、賠償的爭議，漸漸仔予媒體、社會放袂記，阮才雄雄發現，原來這是一陣平埔大武壠族的原住民，翻轉殖民統治壓迫的故事。一陣災後回鄉的少年人，抱受傷的心轉到小林村，透過愛佮陪伴，大聲講出家己的名，大武壠。

這个名號，予怹有新的力量，當組合厝、永久厝攏已經落成，小林滅村事件，漸漸成做歷史名詞的時陣，大滿舞團的少年人，開十冬的時間，怹族人行向這條，心理上的重建之路。