第五十九集
前進奧運

2020年開始的新冠肺炎疫情，予全世界運轉有真大的改變，人類的生活模式嘛攏因為按呢必須調整，除了交流活動停落來以外，甚至4年一斗的東京奧運盛會，嘛受著疫情影響徙到2021年7月23日舉辦。

這幾年來，台灣各領域的運動選手佇國際上各種賽事，攏有袂䆀的成績表現，一來是選手本身肯拍拚毋驚無犁通拖的台灣牛精神，二來是國家對遮的選手投入真濟軟硬體的資源，尤其是國家運動訓練中心提前超前佈署，予選手會當無煩無惱的專心訓練。

這擺的東京奧運加入幾若項新的競賽，像趨枋、攀岩、衝湧、空手道佮棒壘球，雖然棒球是閣再回歸，毋過內底有幾項是逐家較不熟似的，所以今仔日青春咱的夢欲𤆬大逐家來瞭解這幾項運動，看遮的選手是按怎辛苦備戰?政府敢有長遠規劃？為著這个第一擺，選手付出偌濟無人知的代價，予咱做伙替中華健兒前進東京奧運加油！