第五十八集
社群的戰國時代

2020年，網路串流平台Netflix成做這屆入圍的上大勝利者，網路數位節目，是毋是已經佮傳統媒體做出區別性？網路影音的世代形成無仝類型的網衝，佮傳統媒體比起來，怹較無限制，自由自在的表達方式，更加會當吸引少年人的眼光。人力銀行調查，網衝是少年人上欣羨的職業，毋過干焦有3%的網衝趁有錢，超過七成的人，佇頭一冬就會放棄這个夢想。

這集的節目，咱會使看著網衝的奮鬥過程，看起來真簡單的影片，其實背後的過程無遐簡單，彼是怹舞甲大粒汗、細粒汗，逐工拍拚的成果。你敢嘛有做網衝的青春夢？予咱藉這寡網衝拍拚的故事，做伙來了解這个有無限可能的網路世界。