第五十六集
食育透活水

國際農產大量流動，幼路飲食的現代，咱對在地的飲食文化和農產品，認捌有多少。

食物的選擇牽涉著農業生產，影響著做田人的生活和農村經濟，料理的技藝、口味，嘛會漸漸消失，也因為按呢，開始有人強調「食在地、食著時」，推廣「食的教育」。

愛講笑閣活跳的時計果園陳德冠家己製作笑詼的影片，刺激逐家的目睭閣雙耳，參朋友做伙合作拍影片，想要成做一个予人記牢牢的青農YouTuber；發佇在六龜山上的台灣原生山茶，何佳薇翁某對頭開始學習，盡心盡力照顧五座茶園，閣將祖厝改做無煩無腦、一切靜好的茶坊，讓人客來遮會當享受生活。

有的透過田野調查來了解地方食，有的對科學觀點來分析、教育，佇咧學校、社區抑是民間的店家，開始注重食農教育、食物浪費的議題，少年人也轉來故鄉，共老一輩的經驗和氣味傳湠落去，甚至結合在地的有志來發展產業。

咱來看怹遮的人，按怎對食物開始，開創無仝的面貌，帶動地方創生的可能性。