第五十五集
稅山林 湠希望

台灣的森林捌有大量去予人刜的時期，傷過破壞予山林無法度歇喘，1991年，政府頒布禁伐令，為著是欲予這个亂象停落來，煞毋知，30年的禁伐政策，煞蹛來另外一个困境，台灣的林木生產全停，木材自給率無到1%。林務局雄雄發見這个問題，共2017年定做「國產柴元年」，三年過去矣，到底台灣的林業，敢猶閣有閣起的希望？

林家鼎是一个自細漢佇山林大漢的囡仔，伊本來是林務局的包商，細漢捌綴爸爸經歷林業的黃金時期，細漢時陣的記持，予伊足愛林業，看著台灣林業因為錯誤的政策規个崩盤，伊開始做一件身軀邊的人感覺足戇的代誌，共家己的公司關起來，tshuā一陣少年人，四界說服林主組織合作社，為著得著社會的信任，他用國際高標準的FSC認證系統，希望為台灣的林業振興，點一葩開始的火舌。

台灣佇禁伐天然林的時陣，仝時間宣示加強經營人工林，佮引進森林驗證制度的政策目標，三年來，一寡原本參加的廠商，因為成本問題退出森林驗證，目前干焦永在林業是大規模咧用FSC的規範做林木生產，到底這陣少年人堅持的夢想是啥物？這个台灣尾的林業夢，又閣按怎改變未來山頭的經濟？