第五十三集
無塑好生活

細漢時陣讀的地理課本內底寫講，海洋佮陸地的面積是7：3，但是這幾年全球暖化，北極冰山融化、各地天災大雨不斷，海洋佮陸地的面積無定著已經產生了變化？

工業經濟發展的時代，塑膠製品予人類真濟方便，但是嘛造成人類的災難。台灣沿海差不多是無通倖免，充滿了保麗龍、塑膠橐仔和各種予抨掉的糞埽。雖然環保意識起步的這幾年，有小可仔見著成效，彼是因為無想閤看見海龜的鼻孔內插著一枝吸管，但是越頭看你的生活，是毋是一次性的塑膠製品猶閤是四界攏有？

台灣有真濟保護海洋環境的團體，各有無仝的特色，但是今仔日的這二个團體特別的是，對淨灘的過程當中創造足濟想法，予參與的民眾會使投入其中，潛移默化產生火花；另外一位斜槓人生的查某囡仔，佇藍海當中看著一屑希望，製作了「湛鬥機2.0」來取代人力抾糞埽，怹上大的期望是逐個月會當收集2千公斤的海漂糞埽。

凡勢你會感覺糞埽按怎抾攏抾袂了，就按呢放棄矣。但是為著你的後一代、地球的永續，試看覓自減用一个塑膠橐仔開始吧！