第四十九集
台味馬戲狂想曲

一般咱所講的「馬戲」、「circus」這个字其實是對拉丁文過來的，原本的意思是「circle」、「圓」，講的是馬戲表演的圓形空間，猶閣有雜技動作的循環演出。

和傳統馬戲團單純的特技表演無仝，「當代馬戲」注重舞台、服裝、音樂、劇情，運用科技和多媒體成做一个綜合藝術，演員毋但展特技，也愛會曉跳舞、演戲、講故事。

咱台灣耍馬戲、特技的人也袂少，佇咧公共場所的活動，嘛看會著馬戲的演出，不而過有台灣味的馬戲表演，你敢捌看過。

成立無幾年的「圓劇團」，遮是團長林正宗的實驗場所，伊佮合作的少年演員、藝術家，選擇一條閣較艱苦的路來挑戰，怹對台灣的歷史、文化開始探索，運用台灣意象的物件，走揣馬戲新的可能性。