第四十五集
魔術師的冠軍夢

國際魔術組織聯盟(The International Federation of Magic Societies，縮寫：FISM)是魔術界公認的權威魔術組織之一。目前有來自五十个國家佮地區，超過八十个會員組織，閣有大約五萬名會員。 FISM組織每三冬舉辦一改世界性的魔術大會，世界各地優秀的魔術師會佇遮爭奪「世界魔術冠軍」的名號；大會進前，各地區嘛會舉辦地區性的選拔會。這幾年來，臺灣魔術師漸漸仔佇世界拚出名，不時提著國際獎項的肯定，2015年，魔術師吳何佇近距離紙牌部門得著冠軍，但是到今為止，猶無任何一位臺灣的魔術師，佇FISM的舞臺部門得過任何的獎項。

臺大魔術社，會當講是孕育臺灣魔術師的搖籃，為著參加今年FISM佇臺灣舉辦的選考會，提著亞洲區比賽的資格，一陣臺大畢業的魔術師，組成一个專業的團隊，怹有天才的道具師、專業跤本師、手路精巧的木匠、前衛音樂人，怹的目標，是佇FISM的舞台部門，提著魔術界的奧運冠軍。