第四十二集
熱血青春Monster

佇台灣，運動人才是百百款，毋管是棒球、網球這款的球類運動，抑是游泳、體操、跆拳道等等的領域，攏有濟濟的「台灣之光」。毋過你敢知影，佇國外，台灣的競技啦啦隊，也是世界有名的喔！

競技啦啦隊這个比賽項目對美國開始發展，結合體操、跳動、特技、口號和舞蹈，佇20年前，台灣開始有人參與、推廣這項運動。

2001年成軍的「Monster Cheerleading Team競技啦啦社會隊」已經佇咧全國啦啦隊錦標賽締造16連霸，現此時Monster成員百外人，一寡成員嘛定定入選世界盃。

較特別的是，這支業餘隊伍來自各行各業、各縣市，大多數的人，日時愛食頭路，只有暗時通好聚集，自動自發來練習。

為著欲方便管理，隊裡也發展周密的組織佮規範，就是希望隊務運作愈來愈順利。