第三十七集
光合作用的探索教育夢

欣賞美麗的風景有足濟種方式，有的人坐火車、坐郵輪行行看看；有的人對外地搬過來，那過生活那看風景；有的人選擇和這片土地黏相倚，入山出海，思考人生的意義。

青翠的高山，開闊的大海，這是大多數人，對花蓮的印象。遮有一間特別的學校，來上課的人，有大人、有囡仔，上課的範圍誠大，有時陣佇海裡、有時陣佇山裡、有時陣佇溪底、有時陣佇公路頂。

「光合作用戶外探索學校 Outdoor Taiwan」，以教育的方式，予參加的學員用謙卑的態度面對大自然，學習戶外安全需要的技術與智識，了解按怎保護環境，尊重各地的文化。

這十外年來，In tshuā各年齡層的學生、弱勢家庭的囡仔、閣有機關團體的大人往返自然，透過課程和營隊，創造學習的趣味，予學員看著家己的價值，團隊的成員嘛綴咧成長。