第三十六集
貓奴才救地球

拼圖喵中途之家，是一个想欲用永續、循環經濟的概念，來經營貓中途的組織，二位發起人本來是遊戲公司的程式設計師，因為想欲建立一套解決流浪動物的系統，決定放棄穩定的頭路，一開始，怹想欲經營貓旅館，因為發現流浪貓仔閣較需要幫助，所以開始貓中途的事業。

創辦人希望用社會企業的概念來經營，利用貓厝每一日攏會生產的貓砂，成做貓糞肥，閣再用貓糞肥培育的茶葉抑是稻仔、菜蔬，成做商品，這寡生產出來的商品，毋但紮來實際的經濟收入，嘛利用商品的連結，予社會大眾有閣較多接觸流浪貓仔議題的機會。

為著無仝需求的群體，創造連結的機會。這嘛是拼圖喵的理念，希望創造一个性命佮性命的交會點，共拼圖拼起來。