第二十七集
BMX極限單車

BMX極限鐵馬佇台灣已經有倚四十冬的時間，毋過這項運動佇台灣的發展煞是非常的慢，致使做這項運動的人口嘛相對減少，但是佇台中煞有一陣少年人，因為佮意這項運動，恬恬為這項運動咧做推廣，佇無任何資源的情況下，毋但家己做場地、辦比賽，運用手頭邊有限的器材，家己拍教學影片設網路，利用下班的時間教想欲騎車的少年囡仔，怹遮爾仔辛苦的付出，上重要就是希望會使透過各種方式，予閣較濟的人了解這項運動，吸引更加濟人加入騎車的行列，為台灣BMX這項運動拍落實腹的根基。