第二十五集
型農大聯盟

102年起，高雄市政府農業局創辦了型農訓練班，引導在地青年共家己的優勢，整合一級生產、二級加工和三級服務，實踐著六級產業，到今受過訓練的型農超過550人，這寡人有作穡人、加工廠商、通路廠商。

型農為高雄農村帶來一款少年的新力量，少年農民嘛開始自發合作，利用各人的專長和產業特色，配合真gâu設計的農村青年，舉辦農場體驗，予農村真無仝的面貌。

故事中的重要人物，是一个佇農村內的設計師，伊佇鬥翕型農雜誌的過程中，熟似一陣有熱情有理想的小農，有gâu煮食的湘湘老師、gâu帶活動的牧場主人、專攻會場布置的花農，閣有熱心的雞農小紅，佇每一个無仝的節氣，怹佇無仝的農場舉辦對產地到飯桌仔的體驗活動。