第二十四集
食魚 認魚 同齊洄遊吧

講著大海你會想著啥物？是討海的行船人？是美麗的海墘？抑是桌上豐沛的海產。

其實人和海的關係並無遐爾簡單，大海提供人類足濟資源，毋過人類煞不知影通撙節，咱嘛知這片海，有各種美麗趣味的生態，但是你若真正看著遮的魚，這寡豐富的海洋生物，你敢會當叫出in的名？

佇花蓮七星潭，有一陣年輕人想欲予逐家了解永續生態的重要，認捌漁業和海洋，in釘根佇七星潭，結合在地的產業煙仔罾，推動食魚教育。

in嘛設計濟濟的體驗活動，tshuā逐家用無仝的角度熟似七星潭這個有名的觀光勝地，走揣已經累積好幾代，漁村的文化底蒂。

這擺咱就綴洄遊吧 Fish Bar，綴在地青年探索地方創生的洄遊夢！