第二集
鐵四帝的舞蹈夢
講著這馬台灣的陣頭文化，大部份予人無好的印象。毋過，「鐵四帝文化藝術創意舞蹈團」這陣少年家，共家將的跤步手路編做流行街舞，四界比賽著冠軍，閣捌受邀請佇國慶演出，甚至英國電音天團Clean Bandit嘛揣來台灣倩𪜶(in)做舞者拍影片。團長張益彰(A-King)，一个來自屏東的囡仔，為著欲跳舞，十七歲就來到台北拍拚，後來成立鐵四帝，對四个人，發展到這馬幾十个人。鐵四帝這隻大船嘛載著濟濟的少年囡仔實現夢想，而且這陣青春少年家毋驚食苦，為著實現家己的夢想，甘願做戇人，一步一跤印，認真過每一工。鐵四帝的青春夢，毋若是欲予台灣人看見咱家己文化的美麗，更加欲共台灣文化載向全世界。𪜶(in)用街舞的流行舞蹈，傳承家將的跤步手路，一步一步踏出傳統文化的新性命，跳出台灣文化的媠氣和未來，有傳統的底蒂，嘛有創新和變竅。「青春咱的夢」愈𤆬(tshuā)逐家來看遮的勇敢追夢的少年家，按怎用台灣魂寫𪜶(in)青春的歌詩。
|
