各集簡介

第十九集
淺提樂團的眠夢
溫柔的搖滾樂團：淺堤

對高雄起家的淺堤樂團，有小可仔佮人無仝。面對大環境的改變，in毋是行上街頭抗議，是共想法寫做一首閣一首關懷環境、疼惜家鄉的歌，拍破聽眾對搖滾音樂的印象。

淺堤的主唱兼主要的創作人蔡依玲，伊寫的歌，今仔聽起來，會予人感覺足清新、溫柔的，但是你若斟酌看伊寫的歌詞，就會發現伊對足早以前，就對社會的議題足關心的，所以這幾年來有淡薄仔改變，但是改來改去，攏是對環境、社會、身邊的人，甚至是對家己的關懷，嘛因為按呢淺堤比起台灣其他的樂團閣較無仝。

咱定定聽講「佇歐洲，真濟詩人、藝術家為著創作，嘛為著欲生活，所以會佇咖啡廳做短工」，其實淺堤樂團嘛是按呢。in趁無咧寫歌、錄音佮表演的時，每一个團員著愛那拍工那顧樂團，為著完成家己的音樂夢，淺堤就親像是一陣有夢的音樂家，拍拚為in的理想向前行。