各集簡介

第十八集
台灣田野學校的青春夢  

毋管是佇咧偏僻的庄跤所在，抑是佇咧鬧熱的都市街仔，定定看著一些破敗的低房子、老工場、舊菜市仔。有的看起來烏sô-sô、暗眠摸，予人不好的印象，也因為無人管理，常常產生環境和社會問題。

佇咧嘉義有一个團隊，逐冬歇熱，會辦各種的課程、營隊，tshuā一寡有意願的高中生、大學生，閣有一寡在地的民眾行讀城市，了解故鄉的故事，猶閣有做伙整理環境、打造空間，予這寡荒廢的所在，重新展現in當年的光彩。

　 這寡充滿熱情的少年人有一个特色，in穿連身的工作衫，行踏社區，用謙卑的心，向土地來學習。