各集簡介
第十二集
|
四个台南在地少年家，自十外歲互相熟似到今，興趣對Hip-Hop、趨板仔到壁彩，一路對違法烏白畫，到今仔日佇全台各地作品開始咧開花，嘛佇壁彩這條路裡行過二十冬。
雖然這幾个人分別成家立業，一寡人為著現實不得已轉途，但是in無解散，猶閣繼續做in的青春夢。 佇台灣真濟出名的所在攏會使看著in的作品，將在地特色畫佇圖內底，嘛結合環保的概念、參與公益活動，也培養對壁彩有興趣的朋友，其中許文嘉學師仔學十外冬，利用所學的專業，共壁彩相佮心理諮商，為現此時的少年人排解憂愁。in講：「畫圖是成本真低的代誌，就予你的心情綴畫做伙展開！」